- Nuwe lede moet asseblief as Nuwe Lid Registreer.
🔢 Sien gerus een van laas jaar se sertifikate om u Lid Nommer op te spoor as u nie weet wat dit was nie - Kontak gerus vir Willie-Waldo Kühn as jy graag wil Registreer en nie u Lid Nommer kan opspoor nie.
Nuwe Lede : Gebied - Oosvaal / Kommando - Org Meyer
https://registrasie.voortrekkers.co.za/
Org meyer voortrekkerS
Leiers op koers !
Org Meyer Voortrekkers vorm 'n deel van die groter Voortrekkerbeweging wat reeds in 1931 amptelik gestig is. Sedert 2001 dien Org Meyer Voortrekkers die jeug in Alberton en werk saam met die veel ouer Voortrekkerbure rondom Alberton, soos die Suiderlig Voortrekker Kommando en Kompas Voortrekker Kommando.
Ons kom elke Vrydagmiddag van 17:30 tot 18:30 by die Alberton Baptiste Kerk in Verwoerdpark bymekaar. Dit is natuurlik as ons nie besig is met 'n kamp of 'n ander opwindende avontuur nie..
Ons fokus op die aanleer van 'n verskeidenheid vaardighede, soos veldkook, spoorkennis, ruimtewaarneming, boeresport, roeikuns, weerkennis, medemenslikheid, gedenkwaardighede, persoonlike versorging, en nog vele ander dinge.
Die Voortrekkers ervaar 'n magdom pret en avontuur tydens ons kampe!
- Grondpad Vellies – Tinteltong Toekenning February 24, 2024
- Org Meyer Voortrekkers Bekendstelling van Donasie Versoek Veldtog February 19, 2024
- Hoekom Boelie Kinders? February 3, 2024
- Ouer Inligtings Sessie January 28, 2024
- Org Meyer Voortrekkers het Vrydag 19 Januarie 2024 die nuwe jaar met ’n Waatlemoenfees ingelei. Wat is nou lekkerder as ‘n waatlemoenfees? January 23, 2024
Die Voortrekkers se Leuse
Hou Koers !
Die Voortrekkers se wese
Die Voortrekkers is ’n kultuurbeweging wat ons lede, in besonder die jeug, toerus om as moderne Afrikaners, positiewe Burgers en konsekwente Christene hulle roeping deur diensbaarheid uit te leef.
Die Voortrekkers se doelstelling
Doelstellings vloei voort uit die wese en is die Voortrekkers se verbintenis tot ‘n bepaalde
aksie.
Die Voortrekkers is daartoe verbind om:
1. ons geloof in God Drie-enig God in al ons Voortrekkeraktiwiteite te bevestig.
2. as moderne Afrikaners ons taal, kultuur en erfenis met trots te bevorder.
3. as positiewe burgers opbouend betrokke te wees by ons gemeenskap, land en kontinent.
4. as konsekwente Christene deur ons woorde en dade te getuig.
5. diensbaar in ons omgewing te wees.
Die Voortrekkers
2024 Tema
14 September 2023
Die Voortrekkers se 2024 jaartema :
“Eenmaal ‘n Voortrekker, altyd ‘n Voortrekker”
Agtergrond vir die jaartema :
Die aanhaling is gebruik deur Dr CF Visser. In 1959 tree Dr. CF Visser na negentien (19) jaar uit as Hoofleier. Tydens sy uittrede besluit die kongres eenparig om hom die erenaam, Vader van die Voortrekkers, te gee en dat niemand na hom ooit die erenaam kan dra nie. Vader Visser het die slagspreuk: “Eenmaal ‘n Voortrekker, altyd ‘n Voortrekker,” aan die beweging gegee. Motivering vir die jaartema Voortrekkergetalle het verminder en daar is verskeie redes wat gegee word bv. Covid-19 en finansies. Die Hoofdagbestuur is van mening dat indien jy een maal ‘n Voortrekker is, sal jy altyd in hart een bly. Daar is nou weer die geleentheid om almal wie afgedwaal of verdwyn het op te soek en nader te trek. Deur gebruik te maak van die betrokke inisiatief keer ons terug na ons kern besigheid van Voortrekkers vir almal. Die hoofdagbestuur wil die termyn gebruik om voortrekker vriendskapsbande met liefde, geduld en deernis vir mekaar herbevestig.
WAT GEBEUR HIERDIE MAAND?
Ons Groepe
Ontdekkers
Voorskool Lede
Penkoppe & Drawwertjies
6 - 13 jr / Gr. R - 7
Verkenners
14 - 17 jr / Gr 8 - 11
Staatmakers
18 - 28 jr
Vriende
Volwasse Lede (18 - Biltong)
Heemraad
Hulp-Offisier (18 - Biltong)
Offisiere
Offisiere (18 - Biltong)
Wil jy meer oor die programme leer?
Die VoortrekkerS
WIE IS
DIE VOORTREKKERS?
Die Voortrekkers is 'n kultuurbeweging wat die moderne Afrikaner, spesifiek die jeug, bekragtig om suksesvolle burgers te wees deur hulle roeping tot diens as konsekwente Christene.
BURGERSKAP, CHRISTENSKAP en AFRIKANERSKAP
WAT DOEN
DIE VOORTREKKERS?
Die Voortrekkers is ’n plek waar jeuglede kultuur in die natuur deur avontuur geniet. Waar anders sal kinders vandag die kans kry om knope te maak, vuil te word, berge te verower, staproetes te verken, in branders te roei, deur riviere te swem, in skuilings te slaap wat hulle self gebou het, rigting met sterre te vind of sommer net laataand om ’n kampvuur te kuier?
HOEKOM
VOORTREKKERS?
Die storie van Die Voortrekkers is een van die Afrikaners se mooiste kultuurstories wat vir langer as nege dekades geskryf word. Dit is ’n storie van deursettingsvermoë, van toewyding en opoffering. Dit is ’n storie van vrywilligers wat in hulle vrye tyd graadwielboeke en handleidings skryf, geboue en spankamers oprig en kampterreine ontwikkel. Dit is ’n storie van sente omdraai, moue oprol, vasbyt en hard werk. Dit is ’n storie van historiese feeste hou, monumente bou en erfenisse bewaar. Dit is ’n storie van betrokkenheid, praktiese omgee en diensbaarheid in plaaslike gemeenskappe. Die Voortrekkerstorie vertel van innoverende planne, vars denke en hoëfunksieprestasies. Dit is ’n storie van liefde vir ons taal, kultuur, ons kinders, maar bo alles, vir die Here. Ook is dit ’n storie van pret, kameraadskap en avontuur. Dit is ’n storie wat vandag steeds geskryf word. Die Voortrekkerstorie word deur dienende liefde geskryf..
Vergroot jou potensiaal
Leer die geheime tot lewensukses
Ons glo daaraan om jong mense die noodsaaklike vaardighede en beginsels mee te deel wat hulle sal help om 'n suksesvolle lewe te lei.
DIE VOLGENDE TREë VAN JOU AVONTUUR BEGIN HIER
Vir meer as 90 jaar werk die Die Voortrekkers met ouers regoor die land om karakter, selfvertroue en integriteit aan die volgende generasie te leer. Die lesse geleer en verhoudings wat by Die Voortrekkers gebou is, was instrumenteel in die lewens van baie sake-, burgerlike en gemeenskapsleiers. Dit is tyd om te ervaar wat Die Voortekkers vir jou kind kan doen.
WEES 'N Offisier / Heemraad
help met die onderrig en deel jou kennis!
In die verlede was 'n Voortrekker-offisier die Meneer of Juffrou in die skoolklas, maar met die verloop van die jare, is die Voortrekkers nie meer 'n deel van die skoolomgewing nie (alhoewel ons nog steeds by sommige skole vergader). Ons het ouers en volwassenes nodig wat bereid is om meer te leer en hul kennis aan die kinders oor te dra. Is jy bereid om die toekoms van ons jeug te ondersteun?
Volg & "Like" ons op Facebook.
Ander Voortrekkers in Alberton
Vir kontak besonderhede van die verskeie Voortrekker-groepe in Alberton - sien gerus ons "Maak Kontak" blad.
Kompas Voortrekker Kommando (Randhart)
https://www.facebook.com/voortrekkerskompasrandhart
Suiderlig Voortrekker Kommando (Brackenhurst)
https://www.facebook.com/voortrekkerssuiderligalberton
Ondersteun Gerus Ons Vennote
Ons is dankbaar vir al ons huidige skenkers en vennote wat Org Meyer Voortrekkers 'n werklikheid maak! U ondersteuning en skenkings maak dit vir ons moontlik om by te dra tot die ontwikkeling van kinders, jeugdiges en jong volwassenes. Jy het nie net bygedra tot die volhoubaarheid van Die Voortrekkers in Suid-Afrika nie, maar jy het dit vir ons moontlik gemaak om die jeug op te lei in verantwoordelike leierskap, in goeie burgerskap en terselfdertyd in die ontwikkeling van hul geestelike, sosiale, intellektuele en fisiese eienskappe.
Die Voortrekkers se Toepassing
Hierdie Toepassing is nie net ’n hulpmiddel vir Offisiere nie, maar vir elke persoon wat betrokke is by Die Voortrekkers (Ouers, PD’s, Verkenners, Staatmakers, Heemrade, Vriende en Offisiere).
Die Toepassing is soos ’n Leatherman in jou sak: Dit bevat al die inligting wat jy nodig het om ’n volbloed Voortrekker te wees. Daar is inligting oor Kommando’s, Hoe Om’s, Speletjies, Resepte, Touwerk, Seremonies en ook die woorde van lekker saamsingliedere – alles in die palm van jou hand.
Studeer in Afrikaans
Akademia is 'n private hoëronderwysinstelling wat jou die geleentheid bied om 'n kwalifikasie te verwerf, met behulp van interaktiewe Afrikaanse klasse.
Sol-Tech is 'n private beroepsopleidingskollege in Pretoria wat jongmense uitstekend vir hul toekoms voorberei. Gehalte onderrig, in Afrikaans.
Ander Merkwaardige Afrikaanse Instellings
Solidariteit sê skaamteloos #ElkeenHelpEen. As óns dit nie gaan doen nie, wie gaan? Raak deel van jou grootste Afrikaanse aanlyn werksgemeenskap.
Die FAK bied 'n tuiste vir die Afrikaanse taal en kultuur. Ons wil ons trotse Afrikanergeskiedenis positief bevorder.
AfriForum is 'n Suid-Afrikaanse nie-regeringsorganisasie wat hoofsaaklik gefokus is op die belange van Afrikaners, 'n subgroep van die land se wit bevolking.