Ons eerste skoolkwartaal het Vrydag geopen met ons jaarlikse waatlemoenfees.
Die Waatlemoenfees is ’n jaarlikse instelling om belangstelling onder die jeug te wek om by al die opwindende aksies van Die Voortrekkers betrokke te raak. Voortrekker lede is aangemoedig om maatjies saam te bring asook die wat nie lede was, was welkom om saam met hulle maatjies die Waatlemoenfees by te woon.
Die Voortrekkers betrek kinders om betrokke te raak in ’n verskeidenheid van aktiwiteite wat nie net alleen hulle vaardighede ontwikkel nie, maar hulle ook leer hoe om in die geordende samelewing hul rol te vervul. Soos 'n waatlemoenfees behoort te wees, het ons kinders, ouers en beamptes taai en gelukkig huis toe gegaan. Dit was 'n uitstekende begin vir die nuwe jaar. Die Org Meyer Voortrekkers kom weekliks bymekaar en tydens hierdie geleenthede word hulle takies opgelê om hul vaardighede te ontwikkel om vir ’n verskeidenheid van kentekens te kwalifiseer.
Die groepies werk volgens die verskillende Grade onder volwasse toesig. In vandag se lewe waar ouers soms te besig raak om na die wel en weë van hul kinders om te sien, bied Die Voortrekkers die geleentheid dat ouers saam met hul kinders betrokke kan raak in ’n beweging wat nie net die ouer-kind band versterk nie, maar waar ouers en kinder agting en eerbied vir mekaar kan kry.
Baie dankie aan almal wat die fees bygewoon het, en 'n hartlike welkom aan ons nuwe lede. Ons sien uit daarna om almal weer te sien by
Spantyd Vrydag, die 26ste Januarie, van 17h30 tot 18h30.
Vir Navrae Kontak gerus vir
Ilvy van Tonder op +27824190994 of admin@orgmeyer.co.za
