Saamstaan-Kersfees-2025 – 'n Pad vir jou om te stap

'n Hoopvolle Kersfees 2025

Die feesseisoen bring mense altyd bietjie nader aan mekaar. Dis ŉ tyd van stories deel, saam eet en die eenvoudige tradisies wat almal warm laat voel. Dit herinner ons hoekom dit so belangrik is om saam te staan.

Vir baie van die kinders wat ons met Projek Saamstaan ondersteun, lyk hierdie tyd van die jaar egter anders. Hulpbronne is min en iets soos ŉ lekkers is nie vanselfsprekend nie. Tog sien ons elke keer hoe ŉ klein gebaar ŉ kind se dag beter maak.

Hierdie jaar gaan Org Meyer Voortrekkers ongeveer 150 kinders bederf met Lekkerny Pakkies. Ons wil graag hê dat elke kind iets in die hand het en iets in die hart te voel. Jou bydrae help ons om seker te maak dat niemand uitgelaat word nie en dat elke pakkie ŉ oomblik van blydskap bring.

Wanneer jy Projek Saamstaan ondersteun, word jy deel van ŉ gemeenskap wat nog glo aan saamstaan en ou waardes wat voortleef. Jy help ŉ feesseisoen skep waar elke kind kan glimlag en waar omgee steeds ŉ groot verskil maak.