Die Org Meyer Voortrekkers (Alberton) het gistraand hul tweede verjaarsdag gevier, al is hulle reeds drie jaar oud! Die vieringe was propvol pret en opwinding, en het die kinders 'n dag gemaak om te onthou.
Versier 'n Kolwyntjie vir 'n Vriend
Die middag het afgeskop met 'n kreatiewe aktiwiteit waar die kinders kolwyntjies vir hul vriende versier het. Die kleurvolle versierings en kreatiewe ontwerpe het almal se harte warm gemaak. Elke kind het met trots hul meesterstuk aan 'n vriend oorhandig, wat die gees van vriendskap en samehorigheid versterk het.
Lyn-dans met Eben Meyer
Eben Meyer (L/S President Steyn), een van die jeugleiers, het die kinders geleer hoe om lyn-dans te doen. Die kinders het met groot entoesiasme deelgeneem en gou die stappe bemeester. Die gelag en vrolikheid het die lug gevul terwyl almal saam gedans het.
Fliektyd met Popcorn
Na al die aktiwiteite was dit tyd vir 'n bietjie ontspanning. Die kinders het gesellig bymekaar gekom om “Inside-Out-2” te kyk, terwyl hulle lekker aan popcorn en ander lekkernye gesmul het. Die fliek het almal laat lag en soms 'n traan laat stort, maar dit was 'n perfekte afsluiting vir 'n wonderlike dag.
Ouers neem ook deel...
Daar is ook lekker gelag onder die ouers. Die ouers moes ook volgens 'n tema aantrek en ons sê baie dankie aan elk wat deelgeneem het.
Org Meyer Voortrekkers se tweede verjaarsdag was 'n reuse sukses en het gewys hoe sterk die gemeenskap se band is. Ons sien uit na nog baie jare van saam wees en vieringe!
Baie dankie aan elke Ouer en Kind wat hierdie aand 'n sukses gemaak het. Baie dankie ook aan ons Kombuis Span vir die smul lekker warm-brakke.
Sien julle weer op 4 Oktober 2024. Geniet die Vakansie!
